حیرت انگیز خصوصیات کا حامل پرندہ

(ویب ڈیسک) کیپوچن برڈ ایک حیرت انگیز اور عجیب و غریب خصوصیات کا حامل پرندہ ہے اور یہ زیادہ تر براعظم جنوبی امریکا کے جنگلات میں پایا جاتا ہے۔

جانوروں اور پرندوں کی پوری بادشاہت میں یہ اس ذات یا نوع سے تعلق رکھتا ہے اور ایک مخصوص گیت کی طرح کی آواز نکالتا ہے جو ان کے نر اور مادہ کے ملاپ کا سبب بنتا ہے۔

اس پرندے کی ظاہری وضع قطع بھی کافی عجیب سی ہے، اس کے ہلکے براؤن پر جو پیٹ کے قریب چمکدار اورنج یا نارنگی رنگ کے ہوتے ہیں، جبکہ اس کا سر بالکل گدھ کی طرح گنجا ہوتا اور یہ نیلی جلد سے ڈھکا ہوتا ہے۔

ویسے ہی دو رنگوں کے پر اور سر کی وجہ سے یہ کافی منفرد نظر آتا ہے اور اس کی ظاہری وضع قطع کو کافی غیر معمولی بناتا ہے لیکن ان سب پر بھاری وہ گیت کے انداز کی مخصوص آواز ہے جو یہ افزائش نسل اور ملاپ لیے نکالتا ہے۔

یہ بلبل کے انداز کا ترنم تو لیے ہوئے نہیں ہوتا لیکن کافی منفرد ہوتا ہے، بارہ سنگھے کی آواز اور درختوں کے کاٹنے والے کٹر کی مشترکہ آواز جیسی ہوتی ہے۔

دریائے امیزون کے شمالی علاقوں جہاں کولمبیا، وینزویلا، برازیل اور گیانا واقع ہیں وہاں یہ پایا جاتاہے