پیپلز پارٹی پاکستان سے انتہا پسندی،دہشتگردی کے خاتمے کیلئے ہر طرح کی مدد کیلئے تیار ہے،بلاول بھٹو

(روزینہ علی)  چیئرمین پاکستان پیپلز پارٹی(پی پی پی)  بلاول بھٹو زرداری نے کہا ہے کہ   پیپلز پارٹی پاکستان سے انتہا پسندی اور دہشتگردی کے خاتمے کیلئے ہر طرح کی مدد کیلئے تیار ہے۔

 قومی سلامتی کی پارلیمانی پارٹی کے اجلاس میں گفتگو کے دوران بلاول بھٹو زرداری نے دہشتگردی کے خاتمے کیلئے غیر مشروط تعاون اور غیر متزلزل عزم کا اظہار کرتے ہوئے کہنا تھا کہ یہ اہم قومی مسئلہ ہے جس میں اگر-مگر کی گنجائش نہیں۔

 ان کا کہنا تھاکہ افغانستان دہشتگردوں کی آماجگاہ بن چکا ہے،جو آگ پاکستان میں لگی ہے ہمارے اردگرد رہنے والے مت سمجھیں کہ ان تک نہیں پہنچے گی،دہشتگردوں کی مالی مدد کرنے والوں کا بھی پتہ لگانا ہو گا،افغانستان میں دہشتگردی کا معاملہ بھرپور انداز میں سفارتی سطح پر اٹھانا ہو گا۔  

دنیا کو بھی افغان حکومت کے کردار سے آگاہ کرنا ہو گا،اپنی خارجہ پالیسی کو مزید مؤثر بنانا ہو گا،بیرونی دنیا بھی یہ سب معاملات دیکھے،دنیا خود کو اس خطے سے الگ تھلگ نہیں رکھ سکتی۔ 

یہ بھی پڑھیں: پی ٹی آئی کا مقصد پاکستان کیخلاف کام کرنیوالی فورسزکو سپورٹ کرنا ہے، عظمی بخاری