فلسطینی بچے کی دل دہلا دینے والی ویڈیو وائرل

 (24نیوز)فلسطین کے خلاف اسرائیل کی بربریت میں ہر گزرتے دن کے ساتھ اضافہ ہورہا ہے اور  گزشتہ روز بھی اسرائیل کے طیاروں نے غزہ پر بمباری کی۔

تفصیلات کے مطابق اسرائیل کے شدید حملوں میں جہاں کئی افراد شہید ہوئے وہیں اسرائیلی دہشتگردی نے بچوں کے ذہنوں کو بھی بری طرح متاثر کیاہے۔حال ہی میں مقبوضہ بیت المقدس سے تعلق رکھنے والے بلاگر عدنان برق نے اپنے انسٹاگرام اکاؤنٹ پر ایک بچے کی ویڈیو شیئر کی۔ ویڈیو میں دیکھا جاسکتا ہےکہ بچہ صدمے کے باعث اپنی آنکھیں نہیں بند کر پارہا۔

View this post on Instagram

A post shared by ⚡Zeus⚡ (@adnan_barq)

ویڈیو شیئر کرتے ہوئے عدنان نے لکھا کہ رواں ماہ ذہنی صحت سے آگاہی کا مہینہ ہے لیکن کوئی بھی شخص غزہ کے لوگوں کی ذہنی حالت پر بات نہیں کرتا۔عدنان نے مزید لکھا کہ اسرائیلی فضائی حملوں کے خوف اور صدمے کے باعث یہ بچہ اپنی آنکھیں نہیں بند کر سکتا، اگر یہ موت سے بچ بھی گیا تو صدمہ سے باہر نہیں آسکے گا۔
 یہ بھی پڑھیں:    اسرائیلی طیاروں کی خوفنا ک بمباری کی ویڈیو وا ئرل۔۔ غزہ میں الجزیرہ اور دوسری بلند ترین بلڈنگ کو تباہ کر دیا