(ویب ڈیسک)وفاقی وزیر خورشید شاہ نے میڈیا سے بات کرتے ہوئے بتایا کہ انتخابی اصلاحات کرنی ہیں، کچھ بجٹ سے پہلے کریں گے اور کچھ بجٹ کے بعد کریں گے۔
تفصیلات کے مطابق پیپلز پارٹی کے سینئر رہنما اور وفاقی وزیر برائے آبی وسائل خورشید شاہ نے کہا ہے کہ حکومت نے آئندہ ہفتے انتخابی اصلاحات قومی اسمبلی میں لانے کا فیصلہ کیا ہے۔
انہوں نے کہا کہ انتخابی اصلاحات کے بغیر انتخابات نہیں ہوسکتے، الیکشن کمیشن نے انتخابات کیلئے 7 ماہ مانگے ہیں، اکتوبر اور نومبر تک عام انتخابات ممکن نہیں۔خورشید شاہ کا کہنا تھا کہ چیئرمین سینیٹ کے خلاف تحریک عدم اعتماد کا کوئی فیصلہ نہیں ہوا۔
پی پی رہنما نے کہا کہ عمران خان تحریک حکومت کے خلاف نہیں ریاست کے خلاف چلا رہا ہے، ان کی حکومت آئینی طریقے سے گئی ہے۔
خورشید شاہ نے بتایا کہ پنجاب میں حمزہ شہباز کے پاس 4 ووٹوں کی اکثریت ہے۔
یہ بھی پڑھیں: معروف ٹی وی اداکارہ کاسمیٹکس سرجری کے دوران جاں بحق