پشاور ؛ رنگ روڈ مستری خانے کیساتھ دھماکا، ایک شخص جاں بحق

(24 نیوز)پشاور کے رنگ روڈمستری خانے کے ساتھ دھماکے میں ایک شخص جاں بحق جبکہ 2 زخمی ہو گئے۔
تفصیلات کے مطابق رنگ روڈ پر موٹر سائیکل ورکشاپ میں دھماکاہوا ہے، جس کے نتیجے میں ایک شخص جاں بحق اور2 زخمی ہو گئے،پولیس کا کہناہے کہ دھماکے کی نوعیت کے بارے میں نہیں بتایا جا سکتا کہ کس نوعیت کا ہے، دھماکے میں زخمی افراد کو علاج کیلئے ہسپتال منتقل کر دیا گیا، پولیس کی جانب سے جائے وقوعہ شواہد اکٹھے کئے جا رہے ہیں۔

ایس پی کینٹ کاکہناتھا کہ دھماکے کی نوعیت معلوم کر رہے ہیں ،ابتدائی اطلاعات کے مطابق دھماکہ موٹر سائیکل مرمت کے دوران ہوا،دھماکے میں زخمی موٹر سائیکل کا مالک بھی شامل ہے۔

یہ بھی پڑھیں: عمران خان کی نااہلی کیخلاف درخواست، لاہور ہائیکورٹ سے بڑی خبر آگئی