تیلگو اداکار نے ساتھی اداکارہ کی موت کےبعد خودکشی کرلی
Stay tuned with 24 News HD Android App
(ویب ڈیسک)مشہور تیلگو اداکار چندرکانت نے اپنی ساتھی اداکارہ پاویتھرا جےرام کی موت کے بعد خودکشی کرلی۔
بھارتی میڈیا کے مطابق تیلگو میں ڈیلی سوپس میں کام کرنے کے لیے مشہور اداکار چندرکانت اپنی رہائش گاہ پر مردہ پائے گئے، اداکار نے جمعہ کو تلنگانہ کے ضلع الکاپور میں واقع اپنی رہائش گاہ پر مبینہ طور پر خودکشی کر لی، چندرکانت کی موت کی خبر ان کی ساتھی اور اداکارہ پاویتھرا جےرام کے کار حادثے میں انتقال کے محض چند روز بعد سامنے آئی ۔
بھارتی میڈیا کی خبروں کے مطابق اداکار چندرکانت کی لاش ان کی رہائش گاہ میں لٹکی ہوئی پائی گئی، یہ وہی گھر ہے جہاں وہ اور پاویتھرا جےرام ایک ساتھ رہتے تھے۔
پولیس نے بتایا کہ چندرکانت کے والد کے بیان کے مطابق اداکار گزشتہ دو دنوں سے افسردہ تھے،چند روز قبل ہوئے اس کار حادثے میں اداکار بھی معمولی زخمی ہوئے تھے تاہم ان کی ساتھی پاویتھرا زخموں کی تاب نہ لاتے ہوئے چل بسی تھیں جس کا اداکار پر بہت گہرا اثر ہوا تھا۔
یہ بھی پڑھیں:راکھی ساونت سرجری کا بتاتے ہوئے رو پڑیں
گزشتہ چند روز کے دوران انہوں نے اپنے انسٹاگرام پر متعدد جذباتی پوسٹس اور سٹوریز شیئر کی تھیں جس سے ان کی شدت غم کا اندازہ ہوتا ہے,انہوں نے اپنی سوشل میڈیا پوسٹس پر تحریر کردہ مختلف پیغامات میں کہا کہ"میں یہ بات قبول نہیں کر پارہا کہ تم مجھے چھوڑ گئی ہو,میری پوی اب نہیں رہی، پلیز واپس آجاؤ، یہ وہ آخری تصویر تھی جو میں نے تمہارے ساتھ لی,پلیز مجھے ایک بار پھر پکارو، واپس آؤ اور میرے آنسو صاف کرو۔
ایک پوسٹ میں اداکار نے ساتھی کی تصویر شیئر کر کے یہ بھی لکھا کہ صرف 2 دن انتظار کرو.
چندرکانت نے ایک انٹرویو میں یہ بھی انکشاف کیا تھا کہ وہ بہت جلد اپنے رشتے کو آفیشل کرنے کا ارادہ کر رہے ہیں۔
خیال رہے کہ پاویتھرا جےرام کی اتوار 12 مئی کو حیدرآباد میں ایک سڑک حادثے میں موت ہوگئی تھیں۔
بھارتی میڈیا کے مطابق حادثہ ایک بس کے ان کی کار سے ٹکرانے کے بعد پیش آیا، واقعہ کے وقت وہ چندرکانت کے علاوہ اپنی بہن اپیکشا، ڈرائیور سری کانت کے ساتھ سفر کر رہی تھی۔
دونوں اداکاروں کی اچانک موت سے تیلگو شوبز انڈسٹری سوگوار ہوگئی۔