خاتون نے سرعام ٹیکسی ڈرائیور کی درگت بنادی۔ویڈیو وائرل

 (مانیٹرنگ ڈیسک)بھارتی میڈیا پر ٹیکسی ڈرائیور کا گریبان پکڑے اور اس پر سر عام تھپڑوں کی برسات کرتی خاتون کی ویڈیو شیئر کی گئی ہے۔

تفصیلات کے مطابق بھارت میں ایک خاتون نے سرعام ٹیکسی ڈرائیور کی پٹائی کردی،جس کی ویڈیو سوشل میڈیا پر وائرل ہے،ویڈیو میں بلیو شرٹ اور ماسک پہنی خاتون کو ٹیکسی ڈرائیور کا گریبان تھامے اسے مارتے دیکھا جاسکتا ہے۔

بھارتی میڈیا رپورٹس کے مطابق یہ واقعہ حال ہی میں نئی دہلی میں پیش آیا جس سے متعلق بتایا جارہا ہےکہ  دو خواتین اسکوٹی پر موجود تھیں اور سڑک پر ٹریفک کی وجہ سے کیب ڈرائیور خاتون کو جگہ نہیں  دے سکا جس کے بعد خاتون نے اسکوٹی پارک کرکے ٹیکسی ڈرائیور کی پٹائی کردی۔

Woman beats up a cab driver on the road, video goes #viral pic.twitter.com/DPbHaykGpS

— Zee News English (@ZeeNewsEnglish) November 17, 2021

ٹیکسی ڈرائیور پر خاتون کے تشدد کی ویڈیو سوشل میڈیا پر وائرل ہے جس میں خاتون کے سر عام مرد پر تشدد کو غنڈہ گردی سے تشبیہ دی جارہی ہے۔بھارتی میڈیا کا کہنا ہےکہ اب تک ٹیکسی ڈرائیور کی جانب سے اس حوالے سے پولیس کو کوئی شکایت درج نہیں کرائی گئی ہے۔
 یہ بھی پڑھیں:      نجی دفاتر میں 50 فیصد اسٹاف بلانے کی ہدایت۔ لاہور ہائیکورٹ