گوگل میپس میں نیا اہم فیچرمتعارف

(ویب ڈیسک) گوگل نے اپنے میپس  میں "لائیو ویو  " فیچرز متعارف کروا دیا۔

لائیو ویو   ایک ایسا فیچر ہے جس سے صارفین کو لگے گا کہ وہ خد کسی جگہ پر موجود اسے دیکھ رہے ہیں۔اس فیچر سے صارفین اگیومینٹڈ رئیلٹی (اے آر) ٹیکنالوجی کو استعمال کرکے اہم شہروں کے بنیادی مقامات کے بارے میں زیادہ بہتر طریقے سے جان اور انہیں دیکھ سکیں گے۔

Google maps now has a live AR view to explore big city’s pic.twitter.com/ZVF9wmJ8ST

— TechNews (@techcen8) November 17, 2022

اس فیچر کے لیے میپس سرچ بار میں خصوصی نیو کیمرا آئیکون بھی دے دیا گیا ہے۔اس فیچر میں شہر کے اہم مقامات، دکانوں اور اے ٹی ایم وغیرہ کو ہائی لائٹ کیا جائے گا۔اسمارٹ فون کیمرے کو اپنے اردگرد گھمانے پر یہ ڈاٹس بتائیں گے کہ کوئی دفتر یا مقام کتنی دور ہے اور کس راستے سے وہاں جانا ممکن ہے۔کسی ڈاٹ کی جانب کیمرا کرنے پر ایک ببل نمودار ہوکر اس جگہ کے بارے میں اہم تفصیلات فراہم کرے گا۔

واضح رہے کہ یہ فیچر  فی الحال چند شہروں کے لیے متعارف کرایا گیا ہے۔ آئندہ چند ہفتوں میں لندن، لاس اینجلس، نیویارک، پیرس، سان فرانسسکو اور ٹوکیو میں صارفین کو دستیاب ہوگا۔