(24 نیوز)آسٹریلیا نے پاکستان کو ٹی ٹونٹی سیریز میں کلین سویپ کرکے ون ڈے میں ہار کا بدلہ لے لیا۔
ہوبارٹ میں کھیلے جانیوالے تیسرے اور آخری ٹی ٹونٹی میں میزبان کینگروز نے گرین شرٹس کو 7 وکٹوں سے شکست دی، پاکستان نے ٹاس جیت کر پہلے بیٹنگ کا فیصلہ کیا جو غلط ثابت ہوا اور گرین شرٹس 117 پر آل آؤٹ ہوگئی۔ پاکستان کی طرف سے بابر اعظم سب سے زیادہ 41 رنز بنا کر ٹاپ سکورر رہے۔
آسٹریلیا کی طرف سے ہارڈی نے 3، زامپااور جانسن نے 2،2 کھلاڑیوں کو آؤٹ کیا۔ جواب میں آسٹریلیا نے ہدف 12 ویں اوورز میں 3 وکٹوں پر حاصل کر لیا۔ سٹونس61 رنز بنا کر ناقابل شکست رہے۔ پاکستان کی طرف سے شاہین ، جہانداد اور عباس نے ایک ایک وکٹ لی۔