بھارتی اداکارو کامیڈین کرشنا کی اہلیہ کشمیرا شاہ حادثے کا شکار
کشمیرا شاہ آخری مرتبہ ایک ریئلٹی شومیں اپنے شوہر کے ساتھ نظرآئی تھیں
Stay tuned with 24 News HD Android App
(ویب ڈیسک) بھارتی فلموں اور ٹی وی کے معروف اداکار اور کامیڈین کرشنا کی اہلیہ کشمیرا شاہ خطرناک حادثے کا شکار ہوگئیں۔
کشمیرا نے اپنے آفیشل انسٹاگرام اکاؤنٹ پر ایک پوسٹ کے ذریعے مداحوں کو اپنے حادثے کے بارے میں آگاہ کیا،انہوں نے خون میں لت پت ٹشوز کی تصویربھی شیئر کی اور خدا کا شکر ادا کرتے ہوئے لکھا کہ بڑا حادثہ ہوتے ہوتے ٹل گیا۔
کشمیرا نے پوسٹ میں لکھاکہ شکر ہے خدا کا جس نے بچا لیا،ایک عجیب و غریب حادثہ ہوا، کچھ بڑا ہو سکتا تھا، لیکن سب خیر خیریت سے گزر گیا،امید ہے کوئی نشان نہیں رہ جائے گا،ہر دن کو ایک لمحہ سمجھ کر جیو، اپنے گھر والوں سے ملنے کا بےحد انتظار ہے۔
ان کے شوہر کرشنا نے کمنٹ میں لکھا"شکر ہے تم اب محفوظ ہو۔"
کشمیرا کی پوسٹ پر تنناز ایرانی، پوجا بھٹ اور کشور مرچنٹ سمیت اداکارہ کے مداحوں نے ان کے لئے نیک خواہشات کا اظہار کرتے ہوئے انہیں جلد صحتیابی کی دعائیں دی ہیں۔
یاد رہے کہ کشمیرا شاہ کو آخری مرتبہ کوکنگ ریئلٹی شو "لائٹر شیف"میں اپنے شوہر کے ساتھ دیکھا گیا تھا جس میں مداحوں کی جانب سے اس جوڑی کوکافی پسند کیا گیا تھا۔