بھارتی وزرا کی جانب سے پاک بھارت میچ منسوخ کرنے کا مطالبہ

(ما نیٹر نگ ڈیسک) ٹی ٹوئنٹی ورلڈکپ کا آغاز ہو چکا ہے اور کوالیفائنگ مرحلے کے ساتھ ٹیموں کے پریکٹس میچ بھی جاری ہیں۔ اس دوران بھارت سے پاک بھارت میچ کو منسوخ کرنے کے مطالبات شروع ہو گئے ہیں۔

تفصیلات کے مطابق غیر ملکی خبر رساں ایجنسی کا اپنی ایک رپورٹ میں کہنا ہےکہ  بھارتی یونین منسٹر گری راج سنگھ کی جانب سے دونوں ممالک کے تعلقات کے تناظر میں پاک بھارت میچ منسوخ کرنے کا مطالبہ کیا گیا ہے۔انہو ں نے کہا ہے کہ پاک بھارت میچ کے انعقاد پر دوبارہ غور کیا جائے کیونکہ دونوں ‏ممالک کے تعلقات اچھے نہیں ہیں اور جب تک تعلقات بہتر نہیں ہوتے میچ کے انعقاد پر غور کرنا چاہیے۔

انہوں نے کہا کہ پاک بھارت بارڈرز پر صورت حال کچھ زیادہ اچھی نہیں اور کافی عرصے سے دونوں جانب تناؤ پایا ‏جاتا ہے ایسی صورتحال میں ہمیں حالات کو مزید کشیدہ ہونے سے بچانا چاہیے۔

دوسری جانب بھارتی پنجاب کے وزیر پرگت سنگھ نے بھی میچ منسوخ کرنے کا مطالبہ کرتے ہوئے کہا ہے کہ دونوں ممالک ‏کے تعلقات خراب ہونے کا سبب بننے والے کسی بھی عمل سے گریز کرنا چاہیے۔

یا درہے کہ ٹی 20 ورلڈکپ میں پاکستان اور بھارت کا مقابلہ ایونٹ کے دوسرے میچ میں 24 اکتوبر کو ہو گا۔

یہ بھی پڑھیں:عوا م کیلئے خو شخبری ۔۔گھی، آٹے، چینی سمیت 14 اشیا پر مکمل طور پر ٹیکس ختم