شیخوپورہ: پی پی 139 میں پی ٹی آئی کی دوبارہ ووٹ گنتی کی درخواست مسترد
کیپشن: ووٹوں کی گنتی
Stay tuned with 24 News HD Android App
(ویب ڈیسک) شیخوپورہ کی تحصیل شرقپور کے حلقے پی پی 139 میں تحریک انصاف کی دوبارہ ووٹ گنتی کی درخواست مسترد کر دی گئی۔
غیر حتمی اور غیر سرکاری نتائج کے مطابق پی پی 139 شیخوپورہ سے مسلم لیگ ن کے چودھری افتخار بھنگو 36 ہزار 435 ووٹ لیکر کامیاب ٹھہرے تھے، پی ٹی آئی کے ابو بکر شرقپوری 34 ہزار 973 ووٹ لیکر دوسرے نمبر پر رہے تھے۔
تحریک انصاف کے امیدوار ابوبکر شرقپوری نے دوبارہ گنتی کے لئے الیکشن کمیشن سے رجوع کیا جہاں پر ان کی درخواست کو مسترد کر دیا گیا۔ الیکشن کمیشن کی جانب سے فائنل رزلٹ بھی جاری کر دیا گیا ہے۔