فلم ’مولا جٹ‘ نے باکس آفس پر تاریخی ریکارڈ قائم کردیا

(ویب ڈیسک )دی لیجنڈ آف مولا جٹ نے اپنی ریلیز کے بعد صرف 3 دنوں میں 5 ممالک سے مجموعی طور پر 19 کروڑ روپےکا بزنس کرلیا۔بلال لاشاری کی ہدایتکاری میں بننے والی فلم نے ریلیز کے بعد جہاں پاکستان میں بہت سے ریکارڈ توڑے، وہیں مبینہ طور پر بین الاقومی سطح پر برطانیہ، کینیڈا اور امریکہ سمیت دیگر ممالک کی تمام پنجابی اور ہندی فلموں کو بھی پیچھے چھوڑ دیا ہے۔

دی نیوز کی رپورٹ کے مطابق، بلاک بسٹر فلم کی دنیا بھر میں ریلیز کے پہلے ہی ہفتے میں فلم کیےتمام ٹکٹس فروخت ہو گئے اور پاکستان میں بھی ہاؤس فل شوز کا سلسلہ جاری ہے۔رپورٹ میں کئی بیرون ملک مقیم پاکستانیوں کی جانب سے ہاؤس فل شوز کی وجہ سے فلم کے ٹکٹوں کی عدم دستیابی کی شکایت کا بھی ذکر کیا گیا۔

#TheLegendOfMaulaJatt Grosses A Massive 46+cr approx Worldwide Over The Weekend Making It Biggest Ever Opening Weekend For A Pak Film.

Breakdown
PAK- 10.75cr (approx)
North America..13.48cr
UK- 07.68cr
UAE-07.01cr
AUS-3.5cr
Norway- 01.14cr
Others-03.19+cr
Total.. 46.75+cr

— Entertainment Pakistan (@epkdaily) October 17, 2022

جرمنی میں ایک فلمی شائق نے یہ بھی اطلاع دی کہ’’ دی لیجنڈ آف مولا جٹ دیکھنے کے لیے یہاں لمبی قطاریں لگی ہوئی نظر آئیں‘‘۔سینما سے محبت کرنے والوں کی اکثریت کا کہنا ہے کہ ’ایسی منفرد فلم اُنہوں نے اس سے پہلے کبھی نہیں دیکھی‘‘۔کئی مداحوں نے بلال لاشاری کے اس شاہکار کو دوبارہ دیکھنے کی خواہش کا اظہار بھی کیا۔کینیڈا کے شہر مونٹریال میں سکھ برادری کے رہنماؤں نے بھی فلم کی تعریف کی۔ ایک سکھ سردار نے بتایا کہ ’میں نے یہ فلم دیکھنے کے لیے خصوصی طور پر دفتر سے چھٹی لی تھی، یہ جنوبی ایشیا کی بہترین فلم ہے‘۔

ایک اور سکھ نے کہا کہ ’میں نے فلم کو اتنا پسند کیا کہ میں اسے دوبارہ دیکھوں گا‘۔

اُنہوں نے فلم کی کاسٹ کی تعریف کرتے ہوئے مزید کہا کہ’تمام اداکاروں نے اپنی شاندار اداکاری سے کہانی میں حقیقت کے رنگ بھرے ہیں‘۔

یاد رہے کہ فلم ’دی لیجنڈ آف مولا جٹ‘جس میں فواد خان اور حمزہ علی عباسی مرکزی کردار ادا کر رہے ہیں، 1979ء کی نامور کلاسک پنجابی فلم ’مولا جٹ‘ کا نیا ورژن ہے۔