خاتون کی بچے سمیت خودکشی کی کوشش ، دل دہلا دینے والی ویڈیو وائرل

(حسنین محی الدین) ایک انگلش مصرع  ہے کہ not all heroes wear capes   جس کا اردو مفہوم اس طرح ہے کہ ضرور ی نہیں کہ ہیروز  صرف یونیفارم میں ہی ہوں ، جسے ایک بس ڈرائیور نے عملی مثال پیش کر کے ثابت کر دیا ہے ۔

تفصیلات کے مطابق سوشل میڈیا پر ایک ویڈیو وائرل ہو رہی ہے جس میں ایک خاتون کو بچے سمیت  نہر میں خودکشی کی کوشش کرتے دیکھا جا سکتا ہے ، لیکن ایسے میں  ایک مسافربس  قریب سے گزرتی ہے ، ڈرائیور نے موقعے کی نذاکت کو سمجھتے ہوئے  فورا بس کو روکا اور خاتون کو بچے سمیت نہر میں چھلانگ لگانے سے روک لیا، ویڈیو میں دیکھا جا سکتا ہے کہ خاتون کی جانب سے مذاحمت بھی کی گئی لیکن ڈرائیور نے جان مشکل میں ڈال کر  بچے اور خاتون کی جان بچائی ۔

this man is a hero pic.twitter.com/Nnl87FEAXK

— non aesthetic things (@PicturesFoIder) October 17, 2023

ویڈیو وائرل ہونے کے بعد سوشل میڈیا صارفین نے ڈرائیور کو خوب دعائیں دیں اور اس عمل کو انسانیت کی مثال قرار دے دیا ، ڈرائیور کے اس کام میں بس مسافروں نے بھی حصہ لیا ۔