ایمرجنگ ایشیاکپ؛پاکستان ،بھارت کی ٹیمیں کل آمنےسامنےہونگی

 (24 نیوز) پاکستان شاہینز ٹی ٹونٹی ایمرجنگ ٹیمز ایشیاکپ میں کل اپنا پہلا میچ بھارت کے خلاف کھیلے گی۔آج شروع ہونے والا ٹورنامنٹ مقسط، عمان کرکٹ اکیڈمی گراؤنڈ میں کھیلا جارہا ہے۔

پاکستان شاہینز گروپ بی میں بھارت اے، متحدہ عرب امارات اور میزبان عمان کے ساتھ ہے۔

 گروپ اے میں بنگلہ دیش اے سری لنکا اے ہانگ کانگ اور افغانستان اے شامل ہیں۔

 محمد حارث کی قیادت میں پاکستان شاہینز ٹیم 21 اکتوبر کو میزبان عمان سے مقابلہ کرے گی جبکہ اس کا تیسرا گروپ میچ 23 اکتوبر کو متحدہ عرب امارات کے خلاف ہوگا۔

 ہر گروپ سے دو دو ٹیمیں 25 اکتوبر کو کھیلے جانے والے سیمی فائنل کیلئے کوالیفائی کریں گی۔ فائنل 26 اکتوبر کو کھیلا جائے گا۔

 ٹورنامنٹ کے میچز ایشین کرکٹ کونسل کے یوٹیوب چینل پر لائیو نشر ہوں گے۔