بھکاریوں کی بڑھتی ہوئی تعداد پاکستان کو درپیش ویزہ مسائل کی بڑی وجہ:خواجہ آصف

 (ویب ڈیسک)وزیر دفاع خواجہ آصف نے کہا ہے کہ پاکستان کو درپیش ویزہ مسائل کی ایک بڑی وجہ ملک میں فقیروں کی بڑھتی ہوئی تعداد ہے۔

سیالکوٹ میں صنعت کاروں سے خطاب کرتے ہوئےانہوں نے کہا کہ پاکستان میں دو کروڑ سے زائد بھکاری موجود ہیں، جن میں سے کئی بیرون ملک جا کر بھی بھیک مانگتے ہیں۔

خواجہ آصف نے مزید بتایا کہ سیالکوٹ میں دو باربھکاریوں کے خلاف کارروائی کی گئی، لیکن اس کے باوجود ان کی بھرمار برقرار ہے۔

یہ بھی پڑھیں:عمران خان کی 9 مئی مقدمات میں ضمانت کی درخواستیں سماعت کیلئے مقرر

وزیردفاع نے کہاکہ سعودی عرب میں اس وقت چھ ہزار کے قریب افراد وزٹ ویزے پر جا کر بھیک مانگ رہے ہیں، ایسی صورتحال میں دوسرے ممالک ہمیں سہولیات کیسے فراہم کر سکتے ہیں؟،بھیک مانگنے والوں کا مسئلہ نہ صرف معاشرتی بلکہ بین الاقوامی سطح پر بھی پاکستان کے لیے مشکلات پیدا کر رہا ہے، جس پر سنجیدگی سے غور کرنا ہوگا۔