(24 نیوز)گریٹر اقبال پارک واقعہ کی تحقیقات کیلئے آئی جی پنجاب نے انکوائری کمیٹی تشکیل دیدی،انکوائری بورڈ کا سربراہ ایڈیشنل آئی جی سردار علی خان کو مقررکیا گیاہے،ڈی آئی جی یوسف ملک اور ایس ایس پی اطہر اسماعیل ممبر ہونگے۔
مراسلہ کے مطابق انکوائری کے ٹی او آرز بھی طے کر لئے گئے ،سکیورٹی تعینات ہونے کے باوجود واقعہ کیسے پیش آیا،واقعے کے وقت پولیس نے اپنی ذمہ داری کس طرح نبھائی ،ایف آئی آر کو درج کرنے میں تاخیر کیوں کی گئی۔
مراسلہ کے مطابق کمیٹی ذمہ داروں کا فیصلہ کرے گی اور سزا دی جائے گی ،انکوائری کمیٹی 22 اگست کو آئی جی پنجاب کو رپورٹ پیش کرے گی ۔
یہ بھی پڑھیں: گریٹر اقبال پارک : افسوسناک واقعہ سے قبل خاتون ٹک ٹاکر کی ایک اور ویڈیو سامنے آگئی