امریکا دنیا کی ہر چیز کا مالک نہیں۔۔ ترجمان چینی وزارت خارجہ

(مانیٹرنگ ڈیسک)سابق صدر بش کے ریمارکس پر  چینی وزارت خارجہ کے ترجمان لیجیان ژائو کا ریمارک بھی وائرل ہو گیا۔

رپورٹ کے مطابق بش کے ریمارکس پر تبصرہ کرتے ہوئے چینی وزارت خارجہ کے ترجمان نے اپنے آفیشل ٹوئٹر اکاؤنٹ پر کہا کہ امریکا کے طویل عرصے تک دنیا کا اخلاقی جج رہنے کے بعد اسے معلوم ہونا چاہیے کہ وہ ہر چیز کا مالک نہیں ہے۔ افغان عوام کو اپنے مستقبل کا فیصلہ کرنے کا حق ہے۔

انہوں نے اپنے اس پیغام کے ساتھ سابق صدر جارج بش کی ویڈیو بھی منسلک کی جو دیکھتے ہی دیکھتے وائرل ہوگئی۔ بش نے ویڈیو میں کہا تھا کہ ہماری فوج، ہمارے اتحادیوں اور بہادر افغان جنگجوؤں کی کوششوں کے ذریعے طالبان کی حکمرانی ختم ہو گئی ہے، لیکن افغان عوام کے حوالے سے ہماری ذمہ داریاں ابھی ختم نہیں ہوئیں ہیں۔ ان کا مزید کہنا تھا کہ ہم اس ملک میں ایک نئے دور کی داغ بیل ڈال رہے ہیں جس انسانی حقوق اور انسانی وقار کا دور دورہ ہوگا۔ 

 یہ بھی پڑھیں: امریکی طیارے سے گرنے والے شخص کی شناخت ہو گئی

Having been a "world moral judge" for a long period, the #US has to know that it is not the master of everything. The #Afghan people have the right to decide their own future. pic.twitter.com/s3iN1NOuxW

— Lijian Zhao 赵立坚 (@zlj517) August 17, 2021