وزیراعظم عمران خان نے بہادرپولیس اہلکار کی ویڈیو شیئر کردی 

(24 نیوز)وزیراعظم عمران خان نے بہاد رپولیس اہلکار کی ویڈیو شیئر کردی ۔
سماجی رابطے کی ویب سائٹ ٹوئٹر پر وزیراعظم نے ویڈیو شیئر کرتے ہوئے کہاکہ یہیں سے فرض مقدس بن جاتا ہے ،وزیراعظم نے نوجوان پولیس اہلکار کی عوامی خدمت کے عزم کی تعریف کی۔

This is where duty becomes sacred. Admiration for the commitment of the young policeman to serve the people. pic.twitter.com/B1xozkj06a

— Imran Khan (@ImranKhanPTI) August 19, 2021

یاد رہے کہ سندھ کے ضلع خیرپور میں ریلوے سٹیشن پر پولیس اہلکار نے پھرتی کا مظاہرہ کرتے ہوئے ٹرین سے گرنے والے نوجوان عزا دا ر  کی زندگی بچا ئی تھی۔

 ویڈیو میں دیکھا جا سکتا ہے کہ  خیرپور سٹیشن پر ایک نوجوان چلتی ٹرین   سے گر کر پلیٹ فارم اور پٹڑی کے درمیان پھنس گیا۔ جیسے ہی نوجوان ٹرین سے گرا تو پولیس کانسٹیبل پھرتی کا مظاہرہ کرتے ہوئے اس کی جانب لپکے اور فوری طور پر نوجوان کو ٹرین کے نیچے جانے سے بچایا۔کانسٹیبل نے پھنسے ہوئے نوجوان کو پوری طاقت لگا کر باہر نکالا۔ بعد ازاں ٹرین سے گرنے والے نوجوان کو ابتدائی طبی امداد بھی دی گئی۔

 یا د رہے کہ اس سے قبل خبر آئی تھی کہ بھارت کے ایک ریلو ے سٹیشن پر لڑکی ٹر ین کے نیچے آنے سے بچ گئی تھی جسے طبی امداد کے بعد گھر وا پس بھجوا دیا گیا تھا۔

یہ بھی پڑھیں: روہڑی سٹیشن پر عزادار چلتی ٹرین کی چھت سے گر گیا۔۔ پولیس اہلکار نے کیسے بچا لیا۔۔ویڈیو وا ئرل