شیل پاکستان کا بڑا اعلان، آپریشنز بند کرنے کا فیصلہ

ویب ڈیسک:  شیل پاکستان لمیٹڈ نے پورے پاکستان میں اپنے  فضائی آپریشنز بند کرنے کا فیصلہ کرلیا ہے۔

تفصیلات کے مطابق اس وقت شیل کمپنی 4 مقامات کراچی کے جناح ایئرپورٹ، کوئٹہ انٹرنیشنل ایئرپورٹ، سکھر کے بیگم نصرت بھٹو ایئرپورٹ اور نواب شاہ ایئرپورٹ پر ایوی ایشن سے متعلقہ آپریشنز کرتی ہے۔ان ہوائی اڈوں سے متعلق لیز کی میعاد ختم ہونے کے بعد پاکستان سول ایوی ایشن اتھارٹی (سی اے اے) نے اسکردو انٹرنیشنل ایئرپورٹ اور گوادر انٹرنیشنل ایئرپورٹ سمیت 6 ایئرپورٹس کے آپریشن کے لیے مشترکہ ٹینڈر جاری کیا تھا۔

اس حوالے سے کمپنی کا کہنا تھا کہ 'قانونی تعمیل، مالی اور تجارتی تحفظات سمیت وسیع پیمانے پر عوامل پر غور کرنے کے بعد شیل پاکستان ے ٹینڈر میں حصہ نہ لینے کا فیصلہ کیا ہے۔مزید تفصیلات کے مطابق 'شیل پاکستان پاکستان میں اپنے دیگر تمام کاروبار اور آپریشنز جاری رکھنے کے لیے پرعزم ہے، جو کہ متاثر نہیں ہوئے۔

Shell Pakistan Discontinues Aviation Operations Across Pakistan.@Shell @GovtofPakistan #aviation #Pakistan #TPA #ThePakistanAffairs #ThePKAffairs #shellpakistan #pakistaneconomiccrisis pic.twitter.com/qp5K9fkVJ4

— The Pakistan Affairs (@ThePKAffairs) August 17, 2022

واضح رہے کہ شیل ملک میں 'دوسرا سب سے بڑا جیٹ فیول سپلائر' تھا .