نعیم قریشی کراچی بار ایسوسی ایشن کے صدر منتخب

(24 نیوز)کراچی بار ایسوسی ایشن کے سالانہ انتخابات میں نعیم قریشی صدر کی نشست پرکامیاب ہو گئے۔
غیر حتمی غیر سرکاری نتائج کے مطابق نعیم قریشی نے مدمقابل منیر اے ملک کی 35 ووٹ سے شکست دی،نائب صدر کی نشست پر شازیہ منظور ایڈووکیٹ کامیاب ہو گئیں،شازیہ منظور کے مد مقابل 8 امید وار تھے ،شازیہ منظور نے 200 ووٹوں سے کامیابی حاصل کی،جنرل سیکرٹری کی نشست سے عامر نواز وڑائچ نے میدان مارلیا ،عامر نواز وڑائچ 500 ووٹ لیکر آگے رہے،ان کے مدمقابل 5 امیدوار تھے۔
غیرحتمی غیرسرکاری نتائج کے مطابق خزانچی کی نشست سے شاہ رخ کامیاب ہو گئے،شاہ رخ 250 ووٹ لیکر آگے رہے،ان کے مدمقابل امیدواروں کی تعداد بھی 5 تھی، جوائنٹ سیکرٹری کی نشست پر شعیب ناریجو نے میدان مار لیا،وکلا کے غیر سرکاری غیر حتمی نتائج آنے کے بعد بھنگڑے اور ڈھول کی تھاپ پر رقص جاری ہے تاہم ممبر آف منیجنگ کمیٹی کی گنتی کا عمل جاری ہے ۔