(24 نیوز) انسداد منشیات فورس نے اسلام آباد ائیرپورٹ پر کارروائی کرتے ہوئے بحرین جانے والےخیبر کے رہائشی کے سینڈل سے 516 گرام آئس اور 104 گرام ہیروئین برآمد کرلی۔
اسلام آباد ائیرپورٹ پر ہی ایک دوسری کارروائی میں قطر جانے والے ایک ملزم کے ٹرالی بیگ سے 704 گرام چرس برآمد کرلی گئی، ملزم ہنگو کا رہائشی تھا۔
اسی طرح اے این ایف اور اے ایس ایف کی مشترکہ کارروائی میں مانچسٹر جانے والے میرپور کے رہائشی سے 1200 نشہ آور گولیاں برآمد کرلی گئیں۔
لاہور ائیرپورٹ پر اے این ایف اور اے ایس ایف نے بحرین جانے والی نارووال کی رہائشی خاتون کے بیگ سے 1 کلو 933 گرام آئس برآمد کرلی۔
ترجمان اے این ایف کے مطابق مُلزمان کیخلاف انسدادِ منشیات ایکٹ کے تحت مقدمات درج کرکے کارروائی کا آغاز کردیا گیا ہے۔