ٹک ٹاک کا استعمال حرام قرار، جامعہ بنوری ٹاؤن نے فتویٰ جاری کر دیا

(شعیب خان)علوم اسلامیہ علامہ بنوری ٹاؤن نے ٹک ٹاک کو دور حاضر کا خطرناک فتنہ کہتے ہوئے   اس کا استعمال کو حرام قرار دے دیا۔ 

تفصیلات کے مطابق ٹک ٹک کے استعمال  سے متعلق پوچھے گئے سوال پر  علوم اسلامیہ بنوری ٹاؤن نے فتویٰ نمبر 144211200409 جاری کیا ہے جس میں  کہا گیا ہے کہ ٹک ٹاک (Tik Tok ) دورِ حاضر میں بڑھتا ہوا سوشل میڈیا کا ایک خطرناک فتنہ ہے،  فتویٰ میں کہا گیا ہے کہ اس ایپ کا شرعی نقطہ نظر سے استعمال ناجائز اور حرام ہے، یہ شرعاً ناجائز امور ہیں اور اس ایپ کو استعمال کرنے والا گناہوں میں مبتلا ہوجاتا ہے، 

اس سے بچنا تقریباً ناممکن ہے، لہذا اس ایپلی کیشن کا استعمال جائز نہیں ہے، اس میں جان دار کی تصویر سازی اور ویڈیو سازی ہوتی ہے، جو شرعاً حرام ہے،اس میں عورتیں بے ہودہ ویڈیو بناکر پھیلاتی ہیں،نامحرم کو دیکھنے کا گناہ  ہے ، میوزک اور گانے کا عام استعمال ہے،مرد وزن ناچ گانے پر مشتمل ویڈیو بناتے ہیں۔ 

فتویٰ میں مزید کہا گیا ہے کہ ٹک ٹاک فحاشی اور عریانی پھیلانے کا ذریعہ ہے،وقت کا ضیاع  اور لہو لعب ہے،علماء اور مذہب کے مذاق اور استہزا پر مشتمل ویڈیو اس میں موجود ہیں، بلکہ ہر چیز کا مذاق اور استہزا کیا جاتا ہے،

 نوجوان بلکہ بوڑھے بھی پیسے کمانے کی لالچ میں طرح طرح کی ایسی حرکتیں کرتے ہیں جنہیں کوئی سلیم الطبع شخص گوارا تک نہ کرے۔

یہ بھی پڑھیں : فیض آباد دھرنا کیس،سابق ڈی جی آئی ایس آئی فیض حمید کو طلب کرنے کا امکان ، سوالنامہ بھی تیار