رنویر کو ایوارڈ ملنے پر شاہد کپور نے شو ادھورا کیوں چھوڑا ؟

(24نیوز)بالی ووڈ کے نامور اداکار رنویر سنگھ کو بہترین اداکار کا ایوارڈ  ملا تو شاہد کپور آپے سے باہر ہوگئے اور ایورڈ فنکشن ادھورا چھوڑ کرچلے گئے۔شاہد کپور کے شو ادھورا چھوڑ کر جانے کی وجہ بھی سامنے آگئی ہے۔

بھارتی میڈیا کے مطابق 2019 میں ریلیز ہونے والی بھارتی فلم ’کبیر سنگھ‘سپر ہٹ ہوئی تو   ایوارڈ فنکشن کے آرگنائزر کی جانب سے شاہد کپور کو بہترین اداکار کا ایوارڈ دینے کا کہا گیا جبکہ اسی ایوارڈ میں شاہد کپور کو خود بھی پرفارم کرنا تھا، شاہد کپور نے ایوارڈ شو میں پرفارم کرنے کے لیے خوب ریہرسل بھی کی جب کہ پرفارمنس سے زیادہ شاہد کپور اس بات پر خوش تھے کہ انہیں بہترین اداکار کا ایوارڈ ملنے جارہا ہے تاہم آخری لمحے میں آرگنائزر نے فیصلہ بدلتے ہوئے ایوارڈ رنویر سنگھ کو دیدیا۔بھارتی میڈیا کے مطابق جیسے ہی آرگنائزر نے ایوارڈ رنویر سنگھ کو دینے کا اعلان کیا شاہد کپور شدید غصے میں آپے سے باہر ہوگئے اور آرگنائزر کو کھری کھری سنادی، اس کے بعد شاہد کپور ایوارڈ فنکشن میں پرفارم کیے بغیر چلے گئے۔