ڈائننگ ہال میں عجیب الخلقت جانور کی آمد۔ طلبا کی دوڑیں  لگ گئیں۔ویڈیو وائرل

(مانیٹرنگ ڈیسک)لوزیانا اسٹیٹ یونیورسٹی میں ایک انوکھا واقعہ پیش آیا جب رات کے کھانے کے وقت کینٹین کی چھت سے اچانک ایک عجیب جانور ڈائننگ  ٹیبل پر گرپڑا ۔

تفصیلات کے مطابق امریکا لوزیانا یونیورسٹی میں جہاں ڈائننگ ہال میں رات کے کھانے کی تیاریاں جاری تھیں اور طلبہ وہاں ڈنر کے لیے جمع ہورہے تھے کہ اچانک ایک جانور میز پر آ گرا۔جس کے بعد وہاں موجود سب  کی چیخیں نکل گئیں اور لوگوں نے وہاں سے دوڑ لگادی۔

اس حوالے سے وہاں کی ایک طالبہ نے مقامی اخبار کو بتایا  کہ وہ جب رات کھانے کے لیے ڈائننگ ہال گئی تو وہاں ہر کوئی کھڑا ہوا تھا اور کسی کی تلاش جاری تھی پوچھنے پر معلوم ہوا کہ ڈائننگ ہال میں آنے والے ایک انجان جانور کو تلاش کیا جارہا ہے۔

 یہ بھی پڑھیں: طالبہ کے قتل کا ڈراپ سین؛ قاتل کا سنسنی خیزانکشاف

طالبہ کا کہنا ہے کہ مجھے یہ سب کچھ عجیب  لگا میں نے اپنا کھانا لیا اور ایک ٹیبل پر بیٹھ گئی لیکن پھر ایک جانور میری میز کے نیچے سے بھاگا تو میں بھی حواس باختہ ہوگئی اور فوری طور پر کرسی پر چڑھ کر بیٹھ گئی اور  ایسا عجیب منظر دیکھ کر تو میری بھوک ہی اڑ گئی۔

???? Raccoon on the loose!
A raccoon was seen dining in the 459 tonight during its hours of normal operation. TikTok user adrianne.bajon captured the video and shared it to the platform. See below: pic.twitter.com/kMbLSlQK0s

— LSU Tiger TV (@lsutigertv) February 17, 2022

دوسری جانب ایک غیرملکی ویب سائٹ پر خبر کے ساتھ ایک ویڈیو بھی شیئر کی گئی ہے جس میں ایک جانور میزوں کے درمیان دوڑتا پھر رہا ہے اور کچھ لوگ اسے پکڑنے کے لیے کوشاں ہیں جنہوں نے ہاتھوں‌میں ڈنڈے، جھاڑو اور ایک نے ڈسٹ بن اٹھا رکھا ہے. اسی آنکھ مچولی کے دوران کبھی وہ کسی میز پر چڑھ جاتا ہے اور کبھی چھلانگ مار کر آگے بھاگ جاتا ہے۔

ویڈیو میں وہاں موجود لوگوں کی چیخیں اور شور بھی سنائی دیتا ہے۔کافی دیر کی تگ ودو کے بعد بالآخر کچھ لوگ اس جانور پر قابو پانے میں کامیاب ہوجاتے ہیں اور اسے پکڑ لیتے ہیں۔

 یہ بھی پڑھیں:      ساہیوال میں اوباش نے بس ہوسٹس کو زیادتی کا نشانہ بنا ڈالا