فلم ’پٹھان‘ کا ٹکٹ سستا ہونے پر شاہ رخ خان کا دلچسپ ردِعمل  

کنگ شاہ رخ خان کا فلم ’پٹھان‘ کے ٹکٹس کی قیمتوں میں کمی پر دلچسپ ردِعمل کا اظہار کیا ہے۔

یش راج فلمز نے فلم ’پٹھان‘ کے باکس آفس پر 5 سو کروڑ بھارتی روپے سے زائد منافع کمانے کا بڑا ریکارڈ قائم کرنے پر 17 فروری کو خصوصی ’پٹھان ڈے‘ کا اہتمام کیا تھا۔

پروڈکشن ہاؤس کی جانب سے اس خاص دن کے لیے فلم کے ٹکٹ کی قیمت میں کمی کی گئی اور ٹکٹ صرف 110 بھارتی روپے میں فروخت کیا گیا۔

شاہ رخ خان نے مائیکرو بلاگنگ ویب سائٹ ٹوئٹر پر اس حوالے سے کیے گئے اپنے ایک مداح کے ٹوئٹ کو ری شیئر کیا ہے۔

Oh oh ab toh phir dekhni padhegi. What a good thing to do. Thank u @yrf Can u arrange some free popcorn also! No?? https://t.co/IcRdfIW9gQ

— Shah Rukh Khan (@iamsrk) February 16, 2023

اُنہوں نے مداح کے ٹوئٹ پر مزاحیہ انداز میں اپنے ردِعمل کا اظہار کرتے ہوئے لکھا ہے کہ او ہو اب تو پھر دیکھنی پڑے گی اور یہ تو بہت ہی اچھا کام ہے۔ 

اُنہوں نے مزید لکھا ہے کہ بہت شکریہ یش راج فلمز لیکن کیا آپ مفت میں پاپ کارن کا انتظام بھی کرسکتے ہیں؟

واضح رہے کہ فلم ’پٹھان‘ ریلیز ہونے کے بعد پہلے دن سے ہی باکس آفس پر راج کر رہی ہے اور باکس آفس پر اس فلم کے بزنس میں روز بروز اضافہ ہوتا جا رہا ہے۔ 

اب تک اس فلم نے عالمی سطح پر 900 کروڑ بھارتی روپے سے زائد کا بزنس  کر لیا ہے۔