(ویب ڈیسک) مزاحیہ گلوکار اور یوٹیوبر چاہت فتح علی خان نے بدوبدی کے بعد بھارتی گانے "چل چھیاں چھیاں: کا ری میک ریلیزکردیا۔
چاہت فتح علی خان نے فوٹو اینڈ ویڈیو شیئرنگ پلیٹ فارم انسٹاگرام اور ویڈیو شیئرنگ پلیٹ فارم یوٹیوب پر گانے کی مختلف ویڈیوز شیئر کی ہیں،ویڈیو میں انہوں نے 1999ء میں ریلیز ہونے والی بالی ووڈ فلم "دل سے" کا مقبول گانا"چل چھیاں چھیاں: کا اپنا ورژن "چل چھیاں چھیاں، چل پییاں پییاں: پیش کیا ہے۔
اس گانے کے ری میک میں چاہت فتح علی خان کو ماڈل لائبہ کے ساتھ ڈانس کرتے ہوئے بھی دیکھا جا سکتا ہے،انہوں نے ویلنٹائن ڈے کی مناسبت سے گانے کی ویڈیو میں سرخ و سیاہ کی تھیم رکھی ہے۔
یہ بھی پڑھیں:صائم ایوب کے ساتھ وائرل ویڈیو،کشف علی نے خاموشی توڑ دی
چاہت فتح علی خان کو اکثر مشہور گانوں کو بگاڑنے پر ٹرولنگ کا سامنا رہتا ہے،اس سے قبل وہ ملکہ ترنم نور جہاں کے گائے ہوئے سُپرہٹ گیت"’اکھ لڑی بدوبدی موقع ملے کدی کدی" کا ری میک پیش کرنے کے بعد ٹرولرز کے نشانے پر آ ئے تھے۔