’ویلکم ٹو مریم نواز شریف گرین پنجاب‘وزیراعلیٰ  نےالیکٹرو بس سروس پائلٹ پراجیکٹ کا افتتاح کردیا

(رائو دلشاد) وزیراعلی مریم نواز شریف نے پہلی مکمل الیکٹرو بس سروس پائلٹ پراجیکٹ کا افتتاح کردیا، سپیشل پرسن کو خود وہیل چیئر پر الیکٹرو بس میں سواری میں مدد کی، وزیراعلی مریم نواز شریف نیالیکٹرو بس کے لئے خصوصی بس سٹینڈ کا جائزہ لیا۔پہلی الیکٹروبس سروس کا آغازکل (جمعرات)کو ریلوے سٹیشن تا گرین ٹاؤن ہوگا۔
تفصیلات کے مطابق ملک کی پہلی مکمل الیکٹرک بس سروس شروع کر دی گئی ہے،  وزیراعلی مریم نواز شریف نے پہلے پائلٹ پراجیکٹ کا افتتاح کیا،وزیراعلی  نے الیکٹرو بس کے پہلے فلیٹ کو روٹ کے لئے روانہ کیا، وزیراعلی نے الیکٹرو بس پائلٹ پراجیکٹ کا ڈیجیٹل لانچنگ بھی کی۔تقریب میں الیکٹرو بس سروس کے بارے میں خصوصی ڈاکیومنٹری اور خصوصی نغمہ بھی پیش کیا گیا۔ وزیراعلی پنجاب مریم نواز شریف کی کینال روڈ  پر پہنچیں اور  پنجاب یونیورسٹی سٹاپ سے الیکٹرو بس پر سوار ہوئیں، وزیراعلی  نے سپیشل پرسن کو خود وہیل چیئر پر الیکٹرو بس میں سواری میں مدد کی، انہوں نے الیکٹرو بس کے لئے خصوصی بس سٹینڈ کا جائزہ لیا ، وزیراعلی کی ہدایت پر بس سٹاپ پر واٹر کولر، پنکھے لگائے گئے، الیکٹرو بس کے سٹاپ پر منی کنٹین بھی موجود  ہے۔
اس موقع پر وزیراعلی  نے بس سٹاپ پر موجود خواتین سے بات چیت  کرتے ہوئے کہا کہ خود اصرار کرکے الیکٹرو بس کا کرایہ کم کرایا، عوام پر بوجھ برداشت نہیں۔خواتین اور طالبات نے وزیر اعلی مریم نواز شریف کے ساتھ تصویر یں بھی بنوائیں ۔وزیراعلی مریم نواز کا الیکٹرو بس میں ایکسپو سینٹر پہنچنے پر شاندار استقبال کیا۔

صوبائی وزیر بلال اکبر کا کہنا تھا کہ الیکٹرو بس سروس محض آغاز ہے، 500 مزید بسیں لائیں گے۔ 9 شہروں میں ہزاروں بسوں کی ضرورت ہے، جلد فیصل آباد،گوجرانوالہ میں شروع کررہے ہیں۔
لاہور میں دو نئے ماس ٹرانزٹ سسٹم شروع ہوں گے۔ 
پہلی الیکٹروبس سروس کا آغازکل (جمعرات)کو ریلوے سٹیشن تا گرین ٹاؤن ہوگا،الیکٹرک بس روٹ حاجی کیمپ،پولیس لائن،شملہ پہاڑی،روزنامہ جنگ،مسلم لیگ ہاؤس،کلب چوک،گو رنر ہاؤس، باغ جناح، چڑیاگھرشامل ہیں، روٹ چیئرنگ کراس،گنگارام ہسپتال،وارث روڈ،عابد مارکیٹ،مزنگ،شمع،اچھرہ،فاضلیہ کالونی،رحمان پورہ،اچھرہ پل،پنجاب کالج،نیو گارڈن ٹاؤن بھی شامل ہیں، روٹ میں کیمپس پل،پنجاب یونیورسٹی گیٹ نمبر 4،ہیلے کالج،آئی بی اے سٹاپ،شاہ دی کھوئی،راوی چوک،شوق چوک،اکبر چوک،ٹاؤن شپ بازار،موچی پورہ بھی شامل ہیں جبکہ ماڈل روڈ لنک روڈ،ہنڈا موڑ،گورنمنٹ امپلائی سوسائٹی،پنڈی سٹاپ،رفع یونیورسٹی،نرسری بس سٹاپ،ہمدرد چوک،منہاج یونیورسٹی بھی روٹ میں شامل ہیں۔
الیکٹرو بس سروس میں فری وائی فائی،موبائل چارجنگ،ہراسگی کے واقعات کے سدباب کیلئے سی سی ٹی کیمرے نصب ہوں گے۔

یہ بھی پڑھیں:400 زبانوں پر عبور رکھنے والے 19 سالہ مسلمان نوجوان نے دنیا کو حیران کردیا