بھارتی اداکارہ راکھی ساونت نے 20 افراد کو عمرہ پر بھجوا دیا

(ویب ڈیسک)بھارتی اداکارہ راکھی ساونت نے رمضان سے قبل ایک ایسا نیک کام کیا کہ سب چونک اٹھے، اداکارہ نے رمضان سے قبل دس پاکستانی و دس بھارتیوں کو عمرہ کروانے کیساتھ کپڑے اور کھانا بھی تقسیم کیا۔

بالی وڈ کی معروف اداکارہ راکھی ساونت نے 20 افراد کو عمرے پر بھجوا دیا۔راکھی ساونت نے دبئی سے ویڈیو پیغام میں بتایا کہ میں راکھی فاطمہ 10 پاکستانی اور 10 بھارتی بہن بھائیوں کو اپنی طرف سے عمرے پر بھیج رہی ہوں، اللہ کی راہ میں رمضان المبارک سے قبل ایک چھوٹا سا نیک کام کر رہی ہوں۔

انہوں نے کہا کہ دبئی میں موجود ہوں، ان بھائیوں کو احرام دوں گی، پہلی بار ہے جس کے باعث تھوڑی نروس ہوں، اللہ میرے نیک کام کو قبول کرے۔ 

اس دوران راکھی ساونت نے عمرہ زائرین میں کھانا اور احرام تقسیم کیے اور دبئی سے سعودی عرب روانہ کیا۔خیال رہے کہ راکھی ساونت نے دوسری شادی سے قبل اسلام قبول کیا تھا۔

یہ بھی پڑھیں: گنگا میں اشنان کرنے والی خواتین کی ویڈیوز فروخت کیے جانے کا انکشاف