شدید دھند، ایم فائیو کو تمام قسم کی ٹریفک کے لیے بند کر دیا گیا

(اسرار خان)حد نگاہ دھند چھانے کے باعث موٹر وے ایم فائیو کو تمام قسم کی ٹریفک کے لیے بند کر دیا گیا ہے۔

اس حوالے سے ترجمان موٹروے سید عمران احمد نے بتایا کہ موٹرویز کو عوام کی حفاظت اور محفوظ سفر یقینی بنانے کے لیے بند کیا جاتا ہے۔

انھوں ںے کہا کہ دھند میں لین کی خلاف ورزی حادثات کا سبب بن سکتی ہے، روڈ یوزرز دھند میں لین ڈسپلن کو یقینی بنائیں، شہری زیادہ سے زیادہ دن کے اوقات پر سفر کرنے کو ترجیح دیں۔

ترجمان موٹروے سید عمران احمد پولیس کے مطابق صبح 10 سے شام 6 بجے تک دھند کے موسم میں بہترین سفری اوقات ہیں، ڈرائیور حضرات آگے اور پیچھےدھند والی لائٹس کا استعمال کریں، عوام غیر ضروری سفر سے گریز کریں۔

انھوں نے کہا کہ تیز رفتاری سے پرہیز کر یں اور اگلی گاڑی سے مناسب فاصلہ رکھیں، معلومات اور مدد کے لیے ہیلپ لائن 130 سے رابطہ کریں۔