(24نیوز) سینٹ الیکشن کیلئے پی ٹی آئی سندھ سے امیدوار کے ناموں کی فہرست وزیر اعظم کو ارسال کر دی گئی۔ گورنر سندھ نے وزیر اعظم سے ملاقات میں 6 نام پیش کئے گئے۔
تفصیلات کے مطابق سینٹ الیکشن کے لئے پی ٹی آئی سندھ سے امیدواروں میں حفیظ شیخ، حنید لاکھانی، محمود مولوی، اشرف قریشی، ثمر علی خان، سیف اللہ ابڑو شامل ہیں۔ ٹیکنو کریٹ کی نشست پر حفیظ شیخ، جنرل نشست پر حنید لاکھانی اور محمود مولوی فیورٹ ہیں۔ حفیظ شیخ لاڑکانہ، حنید لاکھانی کراچی، محمود مولوی شکارپور سے تعلق رکھتے ہیں۔
دوسری جانب تحریک انصاف سندھ نے سینٹ الیکشن میں جعلسازی روکنے کیلئے سافٹ وئیر تیار کرلیا۔ پی ٹی آئی کے رہنما فردوس شمیم نقوی نے کہا کہ سینٹ الیکشن میں ہر ایم پی اے کو مختلف ووٹنگ پیٹرن دیں گے۔ منفرد طریق کار سے غلط ووٹنگ کرنیوالوں کی نشاندہی کی جاسکے گی۔ یونیک ووٹنگ پیٹرن میں پولنگ ایجنٹ کا اہم کردار ہوگا۔