(24نیوز)وفاقی حکومت نے سعودی عرب میں اپنا سفیر تبدیل کرکے سابق ڈی جی رینجرز سندھ لیفٹیننٹ جنرل(ر) بلال اکبر کو نیا سفیر مقرر کردیا ہے۔
لیفٹیننٹ جنرل(ر) بلال اکبر پاکستان آرڈیننس فیکٹری واہ کینٹ میں بطور چیئرمین خدمات انجام دے چکے ہیں ۔اس کے علاوہ چیف آف جنرل اسٹاف جی ایچ کیو اور ڈی جی رینجرز سندھ کی اہم ذمہ داریاں بھی نبھائیں۔
سعودی عرب میں اس سے قبل پاکستانی سفیر راجہ علی اعجاز تعینات تھے جن کی خدمات کو اب واپس لے لیا گیا ہے انہوں نے دو سال تک سعودی عرب میں اپنی ذمہ داریاں نبھائیں۔
اسی طرح اب سعودی عرب اور پاکستان دونوں کے سفیروں کا پس منظر فوج سے ہے، پاکستان میں سعودی عرب کے سفیر نواف بن سعید ال مالکی کا تعلق سعودی نیوی سے ہے۔سفارتی ذرائع کا کہنا ہے کہ سفرا کا تقرر دونوں ممالک کے مابین مضبوط تعلقات کا مظہر ہے، اب سفارتکاری کے علاوہ دونوں ممالک کے درمیان معاشی، فوجی اور سرمایہ کاری کو فروغ دینا ہے۔