(ویب ڈیسک)لاپتہ بنگلا دیشی اداکارہ رائمہ اسلام شمو کی بوری بند لاش برآمد ۔
غیر ملکی میڈیا کے مطابق بنگلا دیشی اداکارہ کی بوری بند لاش ڈھاکا کے علاقے کیرانی گنج میں ایک پل کے قریب سے ملی۔
پولیس کا کہنا ہے کہ مقامی افراد نے علی پور پل کے قریب لاش ملنے کی اطلاع دی۔ اداکارہ کو بہت بری طرح قتل کیا گیا ہے کیونکہ لاش پر زخموں کے بہت زیادہ نشانات موجودتھے،لگتا ہے خاتون کو قتل کرنے سے پہلے تشدد کا نشانہ بھی بنایا گیا ہے۔
لاش ملنے کے بعد پولیس نے اداکارہ کے شوہر شخاوت علی نوبل اور اس کے ڈرائیور کو پوچھ گچھ کیلئے حراست میں لے لیا۔ شخاوت نے اپنی بیوی کی گمشدگی کی رپورٹ کالا بگن پولیس سٹیشن میں درج کروائی تھی، پوچھ گچھ کے بعد اداکارہ رائمہ کےشوہر نے اپنی بیوی کے قتل کا اعتراف کرلیا۔
یہ بھی پڑھیں: 2 ماہ تک بیٹی کی لاش گھر میں رکھ کر والدین کیا کرتے رہے؟ دل دہلا دینے والی خبر