گجرات فسادات پر مبنی برطانوی رپورٹ بالاآخر 21 برس بعد منظر عام پر آگئی

(24 نیوز) برطانوی نشریاتی ادارے نے بھارت کے وزیر اعظم نریندر مودی پر دو اقساط پر مشتمل ایک سیریز کا اجراء کیا ہے۔

میڈیا رپورٹس کے مطابق سیریز کا نام ’انڈیا، دی مودی کوئسچن‘ رکھا گیا ہے جو پیش کیے جانے کے ساتھ ہی بھارت میں تنقید کا شکار ہے۔

بی بی سی کی جانب سے پیش کی جانے والی اس سیریز میں گجرات کے قصائی اور بھارتی ہٹلر مودی کی حقیقت کا کھوج لگانے کی کوشش کی گئی ہے اور مقبوضہ کشمیر، بھارتی مسلمانوں، گجرات قتلِ عام، ہندو انتہا پسندی و دیگرعوامل کا جائزہ لیا گیا ہے۔

نریندر مودی دنیا کی بڑی جمہوریت کے رہنماء، دو بار منتخب وزیر اعظم اور طاقتور شخص ہیں، مغرب ان کو چین کے خلاف مضبوط مہرہ جبکہ امریکا اور برطانیہ اہم اتحادی سمجھتے ہیں۔

بی بی سی کے مطابق مودی حکومت میں مسلمانوں سے روا سلوک پر متواتر الزامات لگائے گئے، یہ سلسلہ وار کہانی انہی الزامات کے پسِ پردہ حقائق کی تحقیقات کرے گی اور مودی کی سیاست پر مختلف سوالات کی پسِ پردہ حقیقت جاننے کی کوشش ہے۔

ادارے کا مزید کہنا تھا کہ اس کا مقصد گجرات کی ریاست کا وزیر اعلیٰ بننا اور 2002ء کے فسادات کی حقیقت جاننا ہے، مقبوضہ کشمیر پر شب خون مارنا، آرٹیکل 370 کا خاتمہ اور شہریت قانون کی جانچ ہے۔

اس سیریز کے حوالے سے بھارت میں انسانی حقوق کے مایہ ناز کارکن اور ماہر تعلیم اشوک سوائن نے اپنے ٹویٹ میں کہا کہ بی بی سی کی انکوائری ٹیم کو مودی سرکار کیخلاف واضح ثبوت ملے ہیں۔

The British inquiry team had found that Modi had prevented the Gujarat Police from acting to stop violence targeted at Muslims in 2002 - BBC documentary https://t.co/UznjmTBMkk

— Ashok Swain (@ashoswai) January 18, 2023

اشوک سوائن نے لکھا کہ 2002ء کے مسلم کش فسادات کے دوران مودی نے خود گجرات پولیس کو وہ قتل عام روکنے کیخلاف کارروائی سے روکا تھا۔

بھارت سے ہی تعلق رکھنے والی صحافی اور نقاد اینا میری میتھیو نے بھی ایک ٹویٹ کیا، ان کا کہنا تھا کہ عینی شاہدین کے بیانات کے علاوہ بھی بات کریں تو اس سیریز میں 2002ء کے گجرات فسادات کے حوالے سے برطانوی سرکار کی اب تک کی غیرمطبوعہ معلومات کو لوگوں کے سامنے پیش کیا ہے جب جیک سٹرا برطانوی فارن سیکرٹری تھے۔

#BBC's #NarendraModi documentary is damning. Apart from eyewitness accounts, it reveals the findings (so far unpublished) of a UK government inquiry into the 2002 Gujarat pogrom, when Jack Straw was Foreign Secretary. Chilling, even if you've been tracking Modi for long. @BBC ✊????

— Anna MM Vetticad (@annavetticad) January 18, 2023

بی بی سی کی اس سیریز کے حوالے سے اگر عمومی رائے کی بات کریں تو پتہ چلتا ہے کہ گجرات فسادات میں پیش آنے والے واقعات کے بارے میں عینی شاہدین یہی سب بیان کرتے ہیں جو اس ڈاکیومنٹری میں لوگوں کو دکھایا گیا ہے۔