ہوسکتا ہے پنجاب میں انتخابات 3 ماہ میں نہ ہوں،رانا ثنا اللہ

(24 نیوز)وفاقی وزیر داخلہ رانا ثنا اللہ نے کہاہے کہ ہوسکتا ہے پنجاب میں انتخابات 3 ماہ میں نہ ہوں،مریم نواز وزیراعلیٰ پنجاب بن سکتی ہیں،نوازشریف وزیراعظم کے اگلے امیدوار 100فیصد ہوں گے۔
لندن میں میڈیا سے گفتگو کرتے ہوئے رانا ثنا اللہ کاکہناتھا کہ عمران خان اپنے انجام کو ضرور پہنچے گا،پنجاب کی انتخابی مہم میں نوازشریف خود شریک ہوں گے، ان کاکہناتھا کہ نوازشریف کی پاکستان واپسی کے معاملات پر بات ہوئی ہے،مریم نواز اگلے ہفتے پاکستان واپس جائیں گی۔

یہ بھی پڑھیں: وزیراعظم شہباز شریف کی مذاکرات کی پیشکش، بھارت کا جواب بھی آگیا
وفاقی وزیر داخلہ نے کہاکہ پنجاب میں ن لیگ کو ناکامی نہیں ہوئی،ادارے نے عوامی سطح پر غیر سیاسی رہنے کی یقین دہانی کرائی ہے،عمران خان کے کالے کرتوت سامنے آرہے ہیں، توشہ خانہ میں عمران خان کا انتہائی گھٹیا کردار سامنے آیا، انہوں نے کہاکہ ٹیریا ن معاملے پر عمران خان کے کاغذات نامزدگی چیلنج کریں گے۔

یہ بھی پڑھیں: نگران وزیر اعلیٰ کا معاملہ ، سپیکر نے حکومت اور اپوزیشن کے ناموں کا نوٹیفکیشن جاری کردیا