(24 نیوز)فلسطین کے علاقےغزہ میں جنگ بندی کا آغاز ہو گیا ہے، عوام کا والہانہ استقبال، حماس نے 3 اسرائیلی یرغمالیوں کو ریڈ کراس کے حوالے کر دیا۔فلسطینی مزاحمت کاروں نے جنگ بندی کے بعد غزہ کے علاقوں دیر البلاح اور خان یونس کی سڑکوں پر گشت کیا،عوام نے والہانہ استقبال کیا۔
عرب میڈیا کے مطابق فلسطینی ریڈ کراس نے مغویوں کی منتقلی کا عمل شروع کر دیا، حماس نے تین اسرائیلی قیدیوں کو ریڈ کراس کے حوالے کر دیا۔فلسطینی شہریوں نے نعرے لگا کر اور ہاتھ ہلا کر فلسطینی مزاحمت کاروں کا استقبال کیا، ہزاروں فلسطینی پولیس افسران مختلف علاقوں میں تعینات کر دیئے گئے، میونسپلٹی نے گلیوں کو دوبارہ کھولنے اور بحالی کا کام شروع کر دیا۔ ریڈ کراس اسرائیلی یرغمالیوں کو آئی ڈی ایف کے حوالے کر رہا ہے، حماس کی جانب سے رہا کئے جانے والے قیدیوں میں رومی گونن، ایملی ڈاماری اور ڈورون اسٹین نامی خواتین شامل ہیں۔ غزہ میں جنگ بندی کے آغاز پر بے گھر فلسطینی اپنے گھروں کو لوٹنا شروع ہوگئے، اپنے علاقوں کو لوٹنے والے فلسطینیوں کو تباہ حال عمارتیں اور مکانات ہی نظر آئے۔
واضح رہے کہ غزہ پر مسلط 15 ماہ کی جنگ میں 46 ہزار 913 شہید، 1 لاکھ 10 ہزار 750 فلسطینی زخمی ہوئے، جبکہ مختلف علاقوں میں مکانات اور عمارتیں تباہی کا منظر پیش کر رہی ہیں،غزہ میں 60 فیصد عمارتوں کو شدید نقصان پہنچا، 92 فیصد گھر تباہ، 88 فیصد سکولز متاثر ہوئے، اسرائیلی بمباری سے غزہ کے تمام ہستپال مکمل طور پر تباہ ہوئے۔
متعددفلسطینیوں شہریوں نے سوشل میڈیا پر تباہ شدہ اسرائیلی بکتر بند گاڑیوں اور بلڈوزروں کی تصاویر شیئر کیں، غزہ کے تین بارڈرز سے امدادی سامان کے200 ٹرک داخل ہوئے۔ امدادی سامان اور ایندھن کے مزید 2 ہزار ٹرک غزہ میں داخل ہونے کیلئے تیار ہیں۔
یہ بھی پڑھیں:بھارتی فلم کا چار دن میں 100 کروڑ روپے کا بزنس، ریکارڈ قائم، ننداموری کا طاقتور کردار