ڈونلڈ ٹرمپ حملہ کیس میں شامل تفتیش، جلد گرفتاری کا خدشہ

(ویب ڈیسک)سابق امریکی صدر ڈونلڈ ٹرمپ کو 6 جنوری حملہ کیس میں شامل تفتیش کرلیا گیا، ٹرمپ پر کیپیٹل ہل پر حملے کیلئے اکسانے کا الزام ہے۔
میڈیارپورٹس کے مطابق ڈونلڈ ٹرمپ نے تفتیش میں شامل کئے جانے کی تصدیق کرتے ہوئے اپنی جلد گرفتاری کا خدشہ ظاہر کردیا ہے۔ سابق امریکی صدر نے اپنے بیان میں کہا کہ انہیں سپیشل کونسل کی جانب سے ایک ٹارگیٹ لیٹر موصول ہوا ہے جس میں لکھا ہے کہ وہ گرانڈ جیوری کی تحقیقات کے نشانے پر ہیں،غیرملکی میڈیا کے مطابق سابق امریکی وفاقی پراسیکیوٹر پیٹر زیڈنبرگ نے کہا کہ کسی ملزم کو ٹارگیٹ لیٹر ملنا اس بات کی علامت ہے کہ اسے متنبہ کیا جائے کہ آپ پر فرد جرم عائد کی جارہی ہے۔

یہ بھی پڑھیں: شہریوں کو 300 یونٹ تک بجلی مفت، پیٹرول آدھی قیمت پر ملے گا