بلے باز کی زوردار شاٹ سےبالر زخمی،لہولہان ہوگیا
Stay tuned with 24 News HD Android App
(ویب ڈیسک)بالرز کے باؤنسرز سے بلے بازوں کے سرپھٹتے تو آپ نے دیکھے ہوں گے مگر پہلی بار ایسا ہوا ہے کہ بلے باز کی زوردار شاٹ سے گیندباز کے سر سے خون نکل آیا ۔
امریکا میں جاری میجر لیگ میچ کے دوران جنوبی افریقی بالر سر پر گیند لگنے سے شدید زخمی ہوگئے۔وائرل ویڈیو میں دیکھا جاسکتا ہے کہ میچ کے دوران سان فرانسسکو یونیکورنز کے جنوبی افریقی بالر کارمی لی روکس کی گیند پر انکے ہم وطن سیئٹل اورکاس کے بلےباز ریان رکلیٹن نے ایک شارٹ کھیلا جس کے باعث گیند سیدھی بالر کے سر پر لگی اور خون بہنے لگا۔
بالر کو فوری امداد فراہم کرنے کیلئے میدان سے باہر لے جایا گیا تاہم واقعہ کے بعد بالر ہوش میں تھے جسکی وجہ سے سنجیدہ نوعیت کی انجری سے بچ گئے۔
دوسری جانب فاسٹ بولر کے سر پر گیند لگنے کی وجہ سے بقیہ میچز میں شرکت مشکوک ہے تاہم اس حوالے سے فرنچائز نے کوئی باضابطہ بیان جاری نہیں کیا۔لی روکس کی جگہ اوور کی بقیہ گیندیں امریکی آل راؤنڈر کورے اینڈرسن نے اوور مکمل کیا۔
واضح رہے کہ امریکی میجر لیگ کا آغاز 5 جولائی سے ہوا تھا جبکہ ایونٹ کا فائنل 28 جولائی کو کھیلا جائے گا۔