پیپلزپارٹی نے ن لیگ کو ٹشو پیپر کی طرح استعمال کرکے پھینک دیا، فرخ حبیب

(24 نیوز)تحریک انصاف کے رہنما فرخ حبیب کاکہناہے کہ پیپلزپارٹی نے ن لیگ کو ٹشو پیپر کی طرح استعمال کرکے پھینک دیا۔
نجی ٹی وی پروگرام میں گفتگو کرتے ہوئے تحریک انصاف کے رہنما فرخ حبیب نے کہاکہ پی ڈی ایم کی لانگ مارچ 2 لفظوں کی پریم کہانی تھی،آصف زرداری نے کہا میاں صاحب وطن واپس آجائیں،مولانافضل الرحمان کی پریس کانفرنس ایک منٹ کی تھی۔
ان کاکہناتھا کہ پیپلزپارٹی نے کبھی استعفے نہیں دینے ہیں،پیپلزپارٹی کی آج تک کسی کونسلر نے بھی استعفیٰ نہیں دیا ہے،فرخ حبیب نے کہاکہ گیارہ میں سے5جماعتوں کا اسمبلی میں ایک رکن بھی نہیں،زرداری صاحب نے مریم سے جیے بھٹو کے نعرے لگوائے ،زرداری نے ن لیگ سے یوسف رضا گیلانی کو سینیٹر بھی بنوایا،80اراکین ہونے کے باوجود ن لیگ نے گیلانی صاحب کو سینیٹر بنوایا۔
پی ٹی آئی رہنما نے کہاکہ پی ڈی ایم کی استعفوں والی کہانی مکمل نہیں ہو رہی،نوازشریف لندن بیٹھ کر الطاف حسین پارٹ ٹو بن کر بات کررہے ہیں،ان کاکہناتھا کہ تحریک انصاف کا نیب پر کوئی کنٹرول نہیں ہے،جب بھی کسی قومی مسئلے پر بیٹھیں تو اپوزیشن نیب کے حوالے سے بل لیکر آتی ہے،ان کاکہناتھا کہ اختیارات کا اگر آپ نے ناجائز استعمال کیا ہے تو اس کا دفاع ہم نے نہیں کرنا۔