طلاق کے بعد طوبیٰ انور مستقبل میں کیا کرنیوالی ہیں؟عامر لیاقت کی سابق اہلیہ نے اپنے پلان بتا دیئے

(ویب ڈیسک)ڈاکٹر عامر لیاقت حسین سے طلاق کے بعد سیدہ طوبیٰ انور نے پہلی بار اپنے مستقبل کی منصوبہ بندی سے لوگوں کو آگاہ کر دیا۔
تفصیلات کے مطابق طوبیٰ انور گزشتہ دنوں نجی ٹی وی پر اداکارومیزبان اظفر رحمان کے مارننگ شو میں شریک ہوئیں جہاں انہوں نے بتایا کہ وہ طلاق کے بعد ایک بار پھر اپنے اداکاری کے کیریئر پر توجہ دے رہی ہیں۔
طوبیٰ انور کا کہنا تھا کہ ”میری تمام تر توجہ اس وقت اداکاری پر ہے۔ میں شوبز میں نمبر ون ہیروئن بننے کی خواہش مند نہیں ہوں۔ میری خواہش ہے کہ کچھ اچھے پراجیکٹس کے ذریعے لوگوں کے دلوں میں جگہ بناﺅں۔“ 
رپورٹ کے مطابق طوبیٰ انورابتدا میں عامر لیاقت کے ساتھ ٹی وی سکرین پر نظر آتی تھیں اور انہوں نے رمضان ٹرانسمیشن کی میزبانی بھی کی تھی۔ اس کے بعد انہوں نے اداکاری میں اپنے کیریئر کا آغاز کیا اور ڈرامہ سیریل بھڑاس میں درفشاں سلیم، عمر شہزاد اور زوہیب رانا کے ساتھ کام کیا۔ 

یہ بھی پڑھیں: پلک تیواری کی ہولی پر لی گئی تصاویر تیزی سے وائرل، لاکھوں لائکس