لاہور: آل پاکستان ویمنز ایسوسی ایشن کے زہراہتمام سائیکلنگ ریلی

(عمران یونس) آل پاکستان ویمنز ایسوسی ایشن کے زہراہتمام سائیکلنگ ریلی کا انعقاد خواتین کے عالمی دن کے تناظر میں کیا گیا۔

اس ریلی میں مرد و خواتین، بچوں خصوصاً غیرملکی خواتین نے بھی بھرپور شرکت کی۔ ریلی میں شامل خواتین نے تقریب کو سراہنے کیساتھ مستقبل میں بھی ایسی سرگرمیوں کے انعقاد کا مطالبہ کیا۔

یہ بھی پڑھیے: نور مقدم کیس، بشریٰ انصاری کا شدید ردعمل

سی سی او آل پاکستان ویمنز ایسوسی ایشن درشہوار کا اس موقع پر کہنا تھا کہ خواتین کو خود مختار بنانے کیلئے ایسی تقریبات کی اشد ضرورت ہے، لاہوری ہر ایونٹ میں زندگی بھر دیتے ہیں، ایسی تقریبات کا سلسلہ مستقبل میں بھی جاری رہے گا۔

لبرٹی سے شروع ہونے والی یہ سائیکل ریلی صدیق ٹریڈ سنٹر سے ہوتی ہوئی واپس لبرٹی پر اختتام پذیر ہوئی جہاں شرکاء میں انعامات تقسیم کیے گئے۔