پی ٹی آئی رہنما سٹیج پر الجھ پڑے، آفتاب صدیقی نے فردوس شمیم سے مائیک چھین لیا، ویڈیو وائرل

(24 نیوز)کراچی میں راشد منہاس روڈ کے قریب مظاہرے کے دوران پاکستان تحریک انصاف (پی ٹی آئی) کے رہنما آپس میں الجھ پڑے۔
پی ٹی آئی کراچی کے صدر آفتاب صدیقی نے تقریر کے دوران فردوس شمیم نقوی سے مائیک چھین لیا۔
فردوس شمیم نے دوران تقریرکارکنان سے کہاکہ آپ کسی پیغام کا انتظار مت کیجیے گا، اس پر آفتاب صدیقی نے آکر فردوس شمیم نقوی سے مائیک چھین لیا اور کہا کہ سب کو معلوم ہے کیسے چلنا ہے، آپ چھوڑیں۔
مائیک چھیننے پر فردوس شمیم نقوی اور آفتاب صدیقی کے درمیان سٹیج پر ہی تلخ کلامی ہوئی۔
اس واقعے کے بعد فردوس شمیم نقوی ناراض ہوکر سٹیج سے نیچے اتر گئے، واقعے کی ویڈیو سوشل میڈیا پر تیزی سے وائرل ہو رہی ہے۔

پی ٹی آئی کے کراچی جلسہ میں فردوس شمیم نقوی سے آفتاب صدیقی نے مائیک چھینا اور پھر دھکے مار کر سٹیج سے اتار دیا pic.twitter.com/i355gnpOBB

— Sarfraz Nisar (@SarfrazzPMLN) March 19, 2023

یہ بھی پڑھیں: سابق وفاقی وزیر اعجاز الحق پی ٹی آئی میں شامل