مختلف علاقوں میں گرج چمک کیساتھ بارش،محکمہ موسمیات نے پیشگوئی کردی

(24نیوز)محکمہ موسمیات نے ملک کے مختلف علاقوں میں گرج چمک کے ساتھ بارش کی پیشگوئی کردی۔

اسلام آباد میں مطلع جزوی ابرآلود رہنے کے علاوہ بعض مقامات پر بارش کا امکان ہے،مری،گلیات اور گرد و نوا ح میں گرج چمک کے ساتھ بارش کی توقع ہے۔

راولپنڈی، اٹک، چکوال، میانوالی، سرگودھا، بھکر، خوشاب، شیخوپورہ، فیصل آباد، لاہور اور گرد و نواح میں چند مقامات پر بارش ہونے کا امکان ہے۔

سندھ اور بلوچستان کے بیشتر اضلاع میں موسم خشک رہے گاجبکہ چترال، دیر، سوات، شانگلہ، ہری پور اور مانسہرہ میں بھی بارش کی توقع ہے۔

ایبٹ آباد، چارسدہ، نوشہرہ، پشاور، کوہاٹ، کرک، باجوڑ، کرم، مالاکنڈ، وزیرستان اور گرد و نواح میں بارش ہونے کا امکان ہے۔

محکمہ موسمیات نے آزاد کشمیر اورگلگت بلتستان میں بعض مقامات پر گرج چمک کے ساتھ بارش کی پیشگوئی کی ہے۔

محکمہ موسمیات کے مطابق پنجاب کے مختلف اضلاع میں بادلوں اور سورج کے درمیان آنکھ مچولی کا سلسلہ آج بھی جاری رہے گا،لاہور میں موسم ابر آلود رہے گا تاہم بارش کا امکان نہیں ہے۔

یہ بھی پڑھیں:نیٹ میٹرنگ کے قواعد میں تبدیلی:سولر پینلز کی قیمتوں میں بڑی کمی

خشک موسم کے باعث گرمی کی شدت میں بتدریج  اضافہ ہورہا ہے،لاہور میں کم سے کم درجہ حرارت 18 اور زیادہ سے زیادہ 30 سینٹی گریڈ ریکارڈ کیا گیا،پنجاب کے مختلف شہروں میں بھی گرمی کی شدت میں اضافہ ہو رہا ہے،آئندہ چند روز میں موسم گرم اور خشک رہنے کا امکان ہے۔