آئی سی سی کی ٹی ٹوئنٹی پلیئرز رینکنگ جاری، بابراعظم کی ایک درجہ تنزلی

 (24 نیوز ) انٹرنیشنل کرکٹ کونسل ( آئی سی سی)  نے ٹی ٹوئنٹی پلیئرز کی رینکنگ جاری کردی۔

آئی سی سی کی ٹی ٹوئنٹی رینکنگ میں بیٹرز میں آسٹریلیا کے ٹریوس ہیڈ پہلی پوزیشن پر برقرار ہیں۔

رینکنگ میں پاکستانی بیٹر بابراعظم ایک درجے تنزلی کے بعد 8 ویں نمبر پر چلے گئے ہیں اور محمد رضوان کا 9 واں نمبر ہے۔

 رینکنگ کے مطابق نیوزی لینڈ کے ٹم سیفرٹ 20 درجے ترقی کے بعد 13 ویں نمبر اور  نیوزی لینڈ کے فن ایلن بھی 8 درجے ترقی کے بعد 18 ویں نمبر پر آگئے ہیں۔

 یہ بھی پڑھیں:نیشنل ٹی20 کپ،بابراعظم، نسیم شاہ ٹیم کو نہ جتواسکے

دوسری جانب ٹی ٹوئنٹی  بولرز میں ویسٹ انڈیز کے عقیل حسین کا پہلا نمبر ہے جب کہ  پاکستان کا کوئی بولر ٹاپ 20 میں شامل نہیں۔

آئی سی سی کی بولرز رینکنگ میں پاکستانی بولر حارث رؤف 4 درجے ترقی کے بعد 26 ویں نمبر پر اور شاہین آفریدی 6 درجے تنزلی کے بعد  30ویں نمبر پر چلے گئے ہیں۔

اس کے علاوہ ٹی ٹوئنٹی آل راؤنڈرز میں بھارت کے ہاردک پانڈیا کا پہلا نمبر برقرار ہے۔