بھارتی سنیما کے کیمرامین نے بیوی کے تشدد سے تنگ آکرزندگی ختم کرلی

(ویب ڈیسک)بھارتی تیلگو سنیما انڈسٹری کے کیمرامین نے بیوی کے تشدد سے تنگ آکر خودکشی کرلی۔

بھارتی میڈیا کے مطابق کیمرامین محمد نواز اور اہلیہ سویتا ریڈی تھاڈا نے 2020 میں شادی کی تھی لیکن نواز شادی کے بعد اپنے بیوی کے رویے سے تنگ تھا۔

نواز کی والدہ نے پولیس کو شکایت کرتے ہوئے بتایا کہ نواز نے حیدر آباد میں اپنے گھر پر خودکشی کی جس کی ذمہ دار اس کی اہلیہ ہے۔

والدہ کے مطابق  سویتا اسے جسمانی اور ذہنی تشدد کا نشانہ بناتی تھی اور بیٹے کو کئی کئی دن بھوکا رکھتی تھی، والدہ نے الزام عائد کیاہے کہ سویتا خاندانی جائیداد میں حصہ اور بھاری رقم کا مطالبہ کرتی تھی۔

یہ بھی پڑھیں:شعیب ملک اور ثناء جاوید والدین بننے والے ہیں؟سوشل میڈیاپرافواہیں گرم

خاتون نے پولیس کو مزید بتایا کہ خودکشی سے قبل بیٹے سے بات ہوئی تھی جس میں اس نے بتایا کہ وہ اب اس طرح مزید زندہ نہیں رہ سکتا اس کی بیوی اسے مار دے گی جس کے بعد اس نے پیر کو خودکشی کرلی۔