(24 نیوز)سندھ کے ضلع ٹنڈو محمد خان میں غربت سے مجبور ہو کر والدین نے نومولود بچے کو 50 ہزار روپے میں فروخت کردیا۔
تفصیلات کے مطابق ٹنڈو محمد خان میں غربت سے مجبور ہو کر ماں باپ نے ایک دن کے بچے کو 50 ہزار روپے میں فروخت کردیا، نومولود بچے کی والدہ نے کہا کہ نجی اسپتال انتظامیہ نے بل کی ادائیگی کا مطالبہ کیا تھا۔جس پر میرے شوہر نے کسی سے ادھار پیسے لئے اور اسپتال کا بل ادا کیا، جس کے بعد شوہر نے جس شخص سے ادھار رقم لی تھی بچے کو اسکے حوالے کردیا۔
پرائیویٹ اسپتال کے ڈائریکٹر نےاس حوالے سےبتایا کہ ہم رقم دے کر نومولود بچہ کو لینے والےکی تلاش کر رہے ہیں، پرائیویٹ اسپتال کی انتظامیہ نے اس المناک واقعے کے بعد خاتون کا علاج مفت کردیا ہے، اور کہا ہےکہ اب تک جتنی بھی ادائیگی ہوئی وہ متاثرہ خاتون کو واپس کر جائے گی۔
یہ بھی پڑھیں:قومی اسمبلی کی مبینہ ملازمہ کا شہری کو نوکری اور ویزے کا جھانسہ،عدالت نے بڑا حکم دیدیا