گاڑیوں کی خریداری،فروری میں بینکوں کی جانب سے قرض فراہمی بڑھ گئی  

(24نیوز)بینکوں کی جانب سے گاڑیوں کی خریداری کے لئے قرضوں کے اجرا میں فروری کے دوران سالانہ بنیادوں پر2.4 فیصد اضافہ ہوا ہے۔

سٹیٹ بینک کے اعداد و شمار کے مطابق فروری میں گاڑیوں کی خریداری کے لئے بینکوں کی جانب سے قرضوں کے اجراکا حجم 249 ارب روپے ریکارڈکیاگیا جو گزشتہ سا ل فروری کے مقابلے میں 2.4 فیصد زیادہ ہے۔

گزشتہ سا ل فروری میں گاڑیوں کی خریداری کے لئے بینکوں کی جانب سے فراہم کردہ قرضوں کاحجم 243 ارب روپے ریکارڈکیا گیا تھا۔

جنوری میں گاڑیوں کی خریداری کے لئے بینکوں کی جانب سے فراہم کردہ قرضوں کا حجم 242 ارب روپے ریکارڈکیا گیا جو فروری میں بڑھ کر 249 ارب روپے ہو گیا۔