کراچی: اعلیٰ تعلیم یافتہ دہشتگرد گرفتار، ہینڈ گرنیڈ برآمد

(24 نیوز) سندھ پولیس نے تعلیم یافتہ دہشت گرد کو گرفتار کرکے اسکے قبضے سے ہینڈ گرنیڈ برآمد کرلیا ، ملزم الیکٹریکل انجینئرنگ میں ڈپلومہ ہولڈر ہے۔

پولیس کےمطابق کراچی کے علاقے  نیوکراچی  میں صنعتی ایریاپولیس نے بی سکس  میں کارروائی کی ، جس میں ایک تعلیم یافتہ دہشت گرد کو گرفتار کرلیا گیا ہے ملزم کے قبضے سے ہینڈ گرنیڈ بھی برآمد ہوئے۔ایس ایس پی وسطی  ملک مرتضیٰ نےکہا   کہ ملزم نےابتدائی تفتیش میں کالعدم تنظیم سےروابط کاانکشاف کیا ، ملزم عمرحیات2013 میں افغانستان بھی جاچکا اور این ای ڈی یونیورسٹی سے الیکٹریکل انجینئرنگ میں ڈپلومہ کیا۔انہوں نے کہا دہشت گرد کے خلاف مقدمہ درج کرلیا گیا ہے اور تفتیش جاری، گرفتاردہشت گرد سے مزید تفتیش میں سنسنی خیز انکشافات کی توقع ہے۔

یہ بھی پڑھیں: شعیب اختر  نے محمد رضوان کو نشانے پر لے لیا