کرکٹ شائقین کیلئے دوسری بری خبر، پی ایس ایل کے بعد اہم ٹورنامنٹ بھی ملتوی کردیاگیا

(24 نیوز)کرکٹ شائقین کیلئے یکے بعد دیگرے دو بری خبریں آگئیں، پی ایس ایل کے بقیہ میچز کے بعدایشیا کپ ٹی 20 ٹورنامنٹ بھی ملتوی کردیاگیا ۔
غیر ملکی خبرایجنسی کے مطابق ایشیا کپ ٹی ٹوئنٹی جون میں سری لنکا میں ہوناتھا،سری لنکن کرکٹ بورڈ نے کورونا کی بگڑتی صورتحال کی وجہ سے ایونٹ ملتوی کردیا،چیف ایگزیکٹو سری لنکا کرکٹ بورڈ نے کہاہے کہ ایونٹ کی نئی تاریخوں کا اعلان بعد میں ہوگا۔

واضح رہے کہ  پاکستان سپر لیگ (پی ایس ایل) سیزن سکس کے بقیہ میچز کو غیر معینہ مدت کیلئے ملتوی کردیا گیا ،آپریشنل وجوہات کے باعث بقیہ 20 میچز غیر معینہ مدت کیلئے ملتوی کیے گئے ہیں۔

 ذرائع کا کہنا ہے کہ پی ایس ایل 6 کو کورونا ویکسینیشن کی چھوٹ نہ مل سکی، متحدہ عرب امارات کی حکومت نے کورونا ویکسینیشن لازمی قرار دی تھی۔

یہ بھی پڑھیں: سا ری محنت را ئیگاں گئی۔۔پی ایس ایل سے متعلق سب سے اہم خبر آگئی