اسحاق ڈار سے کرغیز وزیر خارجہ کا ٹیلی فون رابطہ، کرغزستان کی موجودہ صورتحال پر تبادلہ خیال

(24 نیوز)  نائب وزیراعظم اسحاق ڈار سے کرغیز کے وزیر خارجہ زین بیک کلوبائیوو نے ٹیلی فونک رابطہ کیا اور کرغزستان کی موجودہ صورتحال پر تبادلہ خیال کیا۔

نائب وزیر اعظم پاکستان اسحاق ڈار نے آج کرغیز وزیر خارجہ زین بیک کلوبائیوو  سے ٹیلی فون پر رابطہ کیا, ٹیلی فونک بات چیت کے دوران، فریقین نے قریبی تعاون اور مختلف شعبوں میں کرغیز پاک تعلقات کے استحکام کے لیے اپنی تیاری کا ذکر کیا، فریقین نے 21 مئی کو آستانہ میں ایس سی او وزرائے خارجہ کی کونسل کے فریم ورک کے اندر ایک دو طرفہ اجلاس منعقد کرنے کے ساتھ ساتھ بین وزارتی اجلاس منعقد کرنے، مستقبل قریب میں بشکیک میں پاکستان اور کرغزستان کے درمیان قونصلر اور قانونی امور پر مشاورت پر بھی اتفاق کیا گیا۔

یہ بھی پڑھیں: ایرانی صدر ابراہیم رئیسی کا ہیلی کاپٹر حادثے کا شکار

کرغیز وزیر خارجہ زین بیک کلوبائیوو نے 18 مئی کو بشکیک میں پاکستانی شہریوں سمیت غیر ملکی طلباء کے واقعے کے بارے میں آگاہ کیا, زین بیک کلوبائیوو نے زور دیا کہ اس وقت امن عامہ کو مکمل طور پر یقینی بنایا گیا ہے۔

ٹیلیفون گفتگو میں زین بیک کلوبائیوو نے مطلع کیا کہ اس وقت صورتحال کرغیزستان کے مجاز حکام کے کنٹرول میں ہے, کرغیز فریق نے اس بات پر شدید تشویش کا اظہار کیا کہ غیر ملکی میڈیا اور سوشل نیٹ ورک بشمول پاکستان کی حدود میں جعلی اور غلط معلومات پھیلا رہے ہیں, یہ جعلی و غلط مرلومات مذکورہ واقعہ اور کرغزستان کی موجودہ صورتحال پر حقیقت سے مطابقت نہیں رکھتی, کرغیز وزیر خارجہ نے قابل اعتماد معلومات کے استعمال اور پاکستان کے انفارمیشن سپیس میں غلط معلومات اور اشاعتوں کو روکنے کے لیے مناسب کام کرنے کی اہمیت پر زور دیا، وگرنہ اس سے کرغیز اور پاکستان کے تعلقات کو نقصان پہنچ سکتا ہے۔

پاکستانی نائب وزیراعظم اسحاق ڈار نے صورتحال کے مکمل ادراک کا اظہار کرتے ہوئے کہا کہ امن عامہ اور پاکستانی طلباء کی حفاظت کو یقینی بنانے کے لیے کرغزستان کے وزراء کی کابینہ کے موثر اقدامات پر بھی شکریہ ادا کیا۔

خیال رہے کہ کرغیز پاک تعلقات روایتی طور پر دوستانہ نوعیت کے ہیں، کرغیز پاک تعلقات دو طرفہ سطح کے ساتھ اقوام متحدہ,  ایس سی او اور او آئی سی سمیت بین الاقوامی و علاقائی تنظیموں میں مسلسل ترقی کر رہے ہیں۔